تعيش لميس الحديدى

** تحياتى ياست لميس **
تحياتى ليكى يالميس … رفضتى الظلم والتوريث
رفضتى جمال وقلتى ازاى ؟؟ … ابن مبارك يبقى رئيس
———– تحياتى ياست لميس ——————-
وفـ الثورة كانت واقفة … كانت ويّانا مندسة
ولا قالت نسيبه يومين !! … ولا قالت ياخد فرصة !!
———— تحياتى ياست لميس ——————-
عريسك فلة ووردة … عريسها يبقة عمر أديب
طيور بتطير على اشكالها … ف زمن الغِل والتدليس
———- تحياتى ياست لميس ——————-
فـ ناس بيقولو دى ساحرة … مسخرة 200 ابليس
وعارفة الغيب .. وحرق البيت .. وحرق القطر والاتوبيس
———– تحياتى ياست لميس —————-
فـ ناس بيقولو حرباية … وناس بيقولو لأ جواسيس
وناس بيقولو دكتورة … ف فن الكذب والتدليس
وناس بيقولو رداحة … وبترضع كمان ابليس
———— تحياتى ياست لميس —————-
———- الف تحية ياست لميس —————-
د احنا راتبنا 3 مليون … والغلبان مش لاقية العيش
ولا حتى لها شقة فـ لندن … ولا فيلا حتى فـ باريس
———– الف تحية ياست لميس ————–
ولا شفناها بتحرض مرة … ع الفوضى وبمكر خبيث
ولا شفنها بتطالب مرة … بحكم شويش أو حكم الجيش
——— الف تحية ياست لميس —————-
ست نضيفة وزى الفل … عاوزة شريعة الغفار
اول واحدة تطلع اسم … مليونسة قندهار
———- الف تحية ياست لميس —-
سياستها مع حسنى … كانت تطنيش
سياستها مع المرسى .. على طول تأليس
سياستها مع الاموال .. يلا تعالى نعبى الكيس
———- الف تحية ياست لميس ——–
سياستها مع الثورة … كانت تهييس
سياستها مع الثوار .. دا عيال سيس
وتقول د قلة مندسة … وتقول علينا جواسيس
———— الف تحية ياست لميس ——-
سياستها مع الفاسدة … على طول تلميع
سياستها مع الشرفاء … على طول تشنيع
سياستها مع الآ منين … على طول ترويع
وتقول ياشعبى استنوا …
استنوا الفوضى والازمة والافلاس ويا التجويع
————- الف تحية ياست لميس ———-
هتقولى ايه ياست لميس … لما تقابلى رب عزيز
يلا بسرعة توبى للمولى … سيبى الفبركة والتدليس