أصـــله جــدع
وأصله .. جدع
ادام كل الصفوف
ولا يــوم .. رجـع
إتربى على إيدى
حبيتـه كـ وليدى
ولمــا الولا كـبر..
بقى ضهرى وسنيدى
بدايته كانت .. يناير
شفت فيه يومها البشاير
قلت ده جيلنا الجديد
حيعوض البلد الخساير
راح رابعة شاف رجولة
شـاف دنيـا مش معقوله
ازاى الطهـارة دى …
قتلوها كـده بسهولة
رجـع الجـدع غـضبان
مقهور على الشـبان
دول كانـو زى خـواته
كـان كلـهم جدعــان
شـال الجـدع الهم
ورث الأسى والغم
وفـ أيـــام المعمعة
شال صاحبه مليان دم
قال يومها راحتى حرام
وحكون حارس ما حأنام
واليـوم حبسـوه بحلمه
الجدع ده اسمه هشام !
