ديب يروح وديب هييجي
في النهايه برضه ديب
واحنا زي الصيده يابني
ديب بياكل ديب يسيب
مين يأمن للديابه
او يقول الديب حبيب
الديابه طبع واحد
واللي هيامن يخيب
لما قالوا الديب هيرحل
قلت يرحل زي غيره من زمان
بس مين جابي علينا للحيتان
مين هياخد مننا حق الصبوعه
مين هياخذ مننا حق الاسوده
مين هياخد مننا حق التيران
مين هياخد مننا حق الافاعي والديدان
مين هيقدر مخلبه فينا يصيب
مين يخلي كل واحد مننا عايش غريب
مين جروحه ف قلبنا ملهاش طبيب
قالوا ديب
……
……
تاني ديب ؟
برضه ديب ؟
ديب بياكل ديب يسيب ؟
ايوه ديب
الديابه بيحكمونا من زمان
والديابه دول عبيد عند الاسوده والضبوعه والحيتان
دول معاهم سر ترويض التيران
دول غطاهم م الافاعي والديدان
قلت نصبر
لما هـ ياين الاوان
فالت الاحرار ياوالدي كان زمان
